पेरिस ओलम्पिक २०२४: अमेरिकाको शीर्ष स्थानमा दबदबा, चीन र फ्रान्स क्रमशः दोस्रो र तेस्रो

पेरिस – सोमबारका विभिन्न स्पर्धाहरूपछि पेरिस ओलम्पिक खेल २०२४ मा अमेरिकाले कुल ७९ पदकसहित पदक तालिकामा शीर्ष स्थान कायम गरेको छ। अमेरिकाले २१ स्वर्ण, ३० रजत, र २८ कास्य पदक जित्दै अन्य देशहरूसँगको अग्रता बढाएको हो।

शीर्ष १० देशहरूको पदक तालिका:

चीनले २१ स्वर्ण, १८ रजत, र १४ कास्य पदकसहित कुल ५३ पदक जित्दै दोस्रो स्थानमा रहँदा फ्रान्सले १३ स्वर्ण, १६ रजत, र १९ कास्य पदकसहित ४८ पदक जित्दै तेस्रो स्थान हासिल गरेको छ।

चौथो स्थानमा रहेको अष्ट्रेलियाले १३ स्वर्ण, १२ रजत, र ८ कास्य पदकसहित कुल ३३ पदक जितेको छ भने बेलायतले १२ स्वर्ण, १३ रजत, र १७ कास्य पदकसहित ४२ पदक जितेर पाँचौं स्थानमा रहन सफल भएको छ।

दक्षिण कोरियाले ११ स्वर्ण, ८ रजत, र ७ कास्य पदकसहित कुल २६ पदक जितेर छैठौं स्थानमा रहेको छ भने जापानले १० स्वर्ण, ५ रजत, र ११ कास्य पदकसहित २६ पदक जित्दै सातौं स्थानमा रहेको छ।

इटालीले ९ स्वर्ण, १० रजत, र ६ कास्य पदकसहित कुल २५ पदक जितेर आठौं स्थानमा रहँदा, नेदरल्यान्ड्सले ७ स्वर्ण, ५ रजत, र ५ कास्य पदकसहित कुल १७ पदक जितेर नवौं स्थानमा रहेको छ। जर्मनीले ७ स्वर्ण, ५ रजत, र ४ कास्य पदकसहित कुल १६ पदक जितेर शीर्ष दसमा अन्तिम स्थान पाएको छ।