आज अन्तर्राष्ट्रिय सगरमाथा दिवस मनाइँदै छ। ७१ वर्षअघि मे २९ मा पहिलोपटक मानवले सगरमाथाको शिखरमा पाइला टेकेको सम्झनामा यो दिवस मनाइन्छ। यस वर्षको नारा ‘विश्वको सर्वोच्च शिखर सगरमाथा: नेपालको पहिचान र गौरव’ रहेको छ। नेपाल सरकारले सन् २००८ देखि यो दिवस अन्तर्राष्ट्रिय रूपमै मनाउने निर्णय गरेको हो।

सन् १९५३ मा तेञ्जिङ नोर्गे शेर्पा र सर एडमण्ड हिलारीले पहिलोपटक सगरमाथा आरोहण गरेका थिए। यो वर्ष वसन्त याममा ४१४ आरोहीले सगरमाथा आरोहणको अनुमति लिएका छन्। सगरमाथाले नेपाललाई विश्वभर चिनाउने महत्वपूर्ण भूमिका खेलेको छ।