काठमाडौंको जोरपाटीमा स्थित एक धागो फ्याक्ट्रीमा आगलागी भएको छ। जिल्ला प्रहरी परिसर काठमाडौंका एसपी तथा प्रवक्ता नवराज अधिकारीका अनुसार, आगो लागेको छ र यसको नियन्त्रणका लागि प्रयास जारी छ।
काठमाडौं महानगरपालिकाका तीन वटा दमकल र ललितपुर महानगरपालिकाबाट पनि दमकलहरू घटनास्थलमा पठाइएको छ। स्थानीय बासिन्दा, प्रहरी र अन्य सुरक्षाकर्मीसहितको सहयोगमा आगो नियन्त्रणको प्रयास भइरहेको छ।
