मुगुमा यार्सागुम्बा टिप्न गएका दुईजनाको लेक लागेर मृत्यु भएको छ। छायानाथ रारा नगरपालिका–१२ शोभा गाउँका २९ वर्षीय मानबहादुर बुढा र कम्फा गाउँका शोभान बुढाको लेक लागेर मृत्यु भएको हो। सिकिस्त बिरामी भएका कम्फा गाउँका राजबहादुर सावतलाई उपचारका लागि मुगुगाउँ ल्याइएको छ।

यस्तै, दार्चुलाको अपिहिमाल गाउँपालिका–३ राताभिटाका २४ वर्षीय मिलन कार्कीको यार्सागुम्बा टिप्ने क्रममा भीरबाट लडेर मृत्यु भएको छ। गत वर्ष पनि मुगुमा यार्सा टिप्न गएका चारजनाको मृत्यु भएको थियो।