शे-फोक्सुण्डो राष्ट्रिय निकुञ्ज कार्यालयका अनुसार डोल्पा र मुगुमा यार्सागुम्बा संकलनबाट १ करोड २५ लाख ८७ हजार ५ सय राजस्व संकलन भएको छ। यस वर्ष ७ हजार ४ सय जना यार्सा संकलक पाटनमा गएका छन्, जसले यो राजस्व जम्मा गरेका हुन्। गत वर्ष ४ हजार संकलकबाट ८५ लाख राजस्व उठेको थियो। निकुञ्जका वरिष्ठ संरक्षण अधिकृत विश्वबाबु श्रेष्ठका अनुसार यस वर्ष संकलक र राजस्व दुवै बढेका छन्। संकलित राजस्वको ३०-५० प्रतिशत सामुदायिक विकासमा खर्च गरिनेछ। मुगुमा मात्र ६९ लाख ५२ हजार ५ सय राजस्व संकलन भएको छ। कोरोना महामारीपछि यार्साबाट राजस्व संकलनको यो पहिलो पटक हो।