फिफा विश्वकपपछि सबैभन्दा ठूलो फुटबल प्रतियोगिता, युईएफए युरो २०२४, भोलि शुक्रबारदेखि सुरु हुँदैछ। युरोको १७औं संस्करण जुन १४ देखि जुलाई १४ सम्म जर्मनीमा आयोजना हुनेछ। यसपटक प्रतियोगिता एकै देशमा मात्र हुनेछ, जहाँ २४ राष्ट्रले प्रतिस्पर्धा गर्नेछन्।
प्रतियोगिताको पहिलो खेल जर्मनी र स्कटल्याण्डबीच शुक्रबार मध्यराति १२:४५ बजे हुनेछ। यो तेस्रो पटक हो जर्मनीले युरो आयोजना गर्न लागेको, र एकीकृत जर्मनीपछि दोस्रो पटक हो।
जर्मनीले तेस्रो पटक युरो जित्ने लक्ष्य राखेको छ, घरेलु मैदानमा प्रतियोगिता हुँदा यस अवसरलाई सदुपयोग गर्ने योजनामा छ। यस पटक एक मात्र नयाँ टिम जर्जिया हो, जसले पहिलो पटक युरोमा भाग लिनेछ।
प्रतियोगिताको उद्घाटन खेल म्युनिखमा हुनेछ र फाइनल बर्लिनको ओलम्पिक स्टेडियममा हुनेछ। समूह चरणमा ६ समूहमा २४ टिम रहनेछन् र शीर्ष दुई टिम सिधै अन्तिम १६ मा प्रवेश गर्नेछन्।
खेलहरु जर्मनीका १० सहरको १० स्टेडियममा खेलाइनेछन्, जसमा धेरै स्टेडियम २००६ को विश्वकपमा प्रयोग भएका थिए।
