नेपालले एसीसी वुमन्स एसिया कपमा यूएईमाथि ६ विकेटको ऐतिहासिक जित हासिल गरेको छ। यो जितसँगै नेपालले महिला एसिया कप इतिहासमा पहिलो पटक जित हात पारेको हो।

११६ रनको लक्ष्य पछ्याएको नेपालले १६.१ ओभरमा ४ विकेट गुमाउँदै पूरा गर्यो। यसअघि नेपाल एसिया कपमा २०१२ मा तीन र २०१६ मा पाँच खेलमा पराजित भएको थियो। नेपालको जितमा ओपनर सम्झना खड्काले ४५ बलमा ११ चौकासहित ७२ रनमा नट आउट रहिन्। पूजा महतो ७ रनमा नट आउट रहिन्।

अन्य ब्याटरहरूमध्ये सीता रानामगर ७, कविता कुँवर २, इन्दु बर्मा ६, र रुविना क्षेत्री १० रनमा आउट भए। यूएईकी कविसा कुमारीले ४ ओभरमा १ मेडनसहित १२ रन खर्चेर ३ विकेट लिइन्।

यसअघि, श्रीलंकाको डाम्बुलामा टस हारेर पहिला ब्याटिङको निम्तो पाएको यूएईले २० ओभरमा ८ विकेट गुमाउँदै ११५ रन बनाएको थियो। यूएईकी युवा ब्याटर खुसी शर्माले ३९ बलमा २ चौकासहित सर्वाधिक ३६ रन बनाइन्। कप्तान ईशा ओझा १०, रिनिथा रजिथा ६, थीर्थ सतिश ९, र समिरा धर्निधर्क १३ रनमा आउट भए।

एक समय यूएई ७.२ ओभरमा ४६-४ को अवस्थामा पुगेको थियो। त्यहाँबाट खुसी शर्मा र काविशा कुमारीले पाँचौं विकेटका लागि ४१ बलमा ३२ रनको महत्वपूर्ण साझेदारी गरेका थिए। काविशा २६ बलमा २ चौकासहित २२ रनमा आउट भइन्।

नेपालकी कप्तान इन्दु बर्माले ४ ओभरमा १९ रन खर्चेर ३ विकेट लिइन्। स्पिनर कृतिका मरासिनीले २ ओभरमा १५ रन खर्चेर १ विकेट लिइन्। सबनम राइले ३ ओभरमा २७ रन खर्चेर १ विकेट लिइन्। कविता जोशीको नाममा १ विकेट रह्यो।

नेपालले आफ्नो दोस्रो खेल ६ साउनमा पाकिस्तान र ८ साउनमा भारतसँग खेल्नेछ।

खेलको संक्षिप्त विवरण:

नेपालका ब्याटरहरूको प्रदर्शन:

यूएईका ब्याटरहरूको प्रदर्शन:

नेपालका बलरहरूको प्रदर्शन: