बार्सिलोनाले हान्सी फ्लिकलाई आफ्नो नयाँ प्रशिक्षकको रूपमा नियुक्त गरेको छ। क्लबले हालका प्रशिक्षक जाभीलाई बर्खास्त गरेर ५९ वर्षीय जर्मन प्रशिक्षक फ्लिकसँग दुई सिजनका लागि सम्झौता गरेको घोषणा गरेको छ। यो सम्झौता ३० जुन, २०२६ सम्म रहनेछ।
हान्सी फ्लिक यसअघि बायर्न म्युनिख र जर्मनी राष्ट्रिय टिमको प्रशिक्षकको भूमिकामा रहेर सफलता प्राप्त गरिसकेका छन्। उनले २०२३ को सेप्टेम्बरमा जर्मनीको प्रशिक्षक पद छोडेपछि बेरोजगार थिए।
बार्सिलोनाले यस सिजनमा क्लबको खराब प्रदर्शनका कारण गत शुक्रबार जाभीलाई बर्खास्त गरेको थियो। फ्लिकको आगमनले क्लबको प्रदर्शनमा सुधार आउने आशा गरिएको छ।
फ्लिकको नेतृत्वमा, बायर्न म्युनिखले बिभिन्न उपाधिहरू जित्न सफल भएको थियो। अब, बार्सिलोनाका समर्थकहरूले फ्लिकको नेतृत्वमा आफ्नो टोलीलाई उचाइमा पुर्याउने अपेक्षा गरेका छन्।
बार्सिलोनाले आफ्नो नयाँ प्रशिक्षकको रूपमा हान्सी फ्लिकलाई स्वागत गर्दा, क्लब र समर्थकहरूलाई नयाँ सुरुवात र सफलताको अपेक्षा रहेको छ।
