बंगलादेशले आईसीसी टी-२० विश्वकप २०२४ मा श्रीलंकालाई २ विकेटले हराउँदै समूह डी मा २ महत्वपूर्ण अंक जोडेको छ। १२५ रनको लक्ष्य पछ्याउँदै बंगलादेशले १९ ओभरमा ८ विकेट गुमाउँदै लक्ष्य पूरा गर्‍यो। तौव्हीद ह्दोयले ४० रन र लिटन दासले ३६ रन बनाए। श्रीलंकाका नुवान थुषाराले ४ विकेट लिएपनि जित दिलाउन सकेनन्। यसअघि श्रीलंकाले २० ओभरमा १२४ रन बनाएको थियो। बंगलादेशको जितमा रिशाद हसन र मुश्ताफिजुर रहमानले ३-३ विकेट लिए। श्रीलंका पहिलो खेलमा दक्षिण अफ्रिकासँग पराजित भएको थियो।