दक्षिण कोरियाको ह्वासेयोङस्थित लिथियम ब्याट्री निर्माता अरिसेलको प्लान्टमा आगलागी हुँदा कम्तीमा २० जनाको मृत्यु भएको छ। सोलबाट ४५ किलोमिटर दक्षिणमा रहेको प्लान्टमा बिहान १०:३० बजे आगलागी सुरु भएको थियो। घटनामा दर्जनौँ कामदार घाइते भएका छन् भने २१ जना अझै सम्पर्कविहीन छन्। टिभी फुटेजमा विष्फोट र तारहरू जलिरहेको देखिएको छ। राष्ट्रपति युन सुक योलले हराइरहेका व्यक्तिको खोजी र उद्धारका लागि सबै जनशक्ति र उपकरण परिचालन गर्न निर्देशन दिएका छन्। आगलागीको कारण अझै स्पष्ट भएको छैन।