यूईएफए च्याम्पियन्स लिगको उपाधिका लागि आज स्पेनिस क्लब रियल मड्रिड र जर्मन क्लब बोरुसिया डर्टमण्डबीच फाइनल खेल हुँदैछ। खेल नेपाली समयअनुसार राति पौने एक बजे लन्डनको वेम्बली मैदानमा हुनेछ। सेमिफाइनलमा रियलले बायर्न म्युनिखलाई र डर्टमण्डले पेरिस सेन्ट जर्मेन (पीएसजी) लाई हराएका थिए। रियल मड्रिडले कीर्तिमानी १४ पटक उपाधि जितेको छ भने डर्टमण्डले १९९७ मा उपाधि जितेको थियो। ११ वर्षपछि फाइनल पुगेको डर्टमण्डले सन् २०१३ मा बायर्नसँग हार व्यहोरेको थियो।