काठमाडौं महानगरपालिकाले मंगलबार राति हुने नेपाल र नेदरल्याण्ड्सबीचको टी-२० विश्वकप खेलको प्रत्यक्ष प्रशारणका लागि तीन ठाउँमा व्यवस्था गरेको छ। प्रत्यक्ष प्रशारण टुँडिखेल, हाँडीगाउँ र तीनकुनेमा हुने छ।

टुँडिखेलमा ३०x१८ फिटको एलईडी स्क्रिन राखेर खेल देखाइनेछ। यो आयोजना ओपन डोर्स इन्टरटेनमेन्ट र खेलकुद मन्त्रालयको सहकार्यमा महानगरपालिकाले गरेको हो।

टुँडिखेलमा हुने प्रत्यक्ष प्रशारणमा मेयर बालेन शाह पनि सहभागी हुनेछन्। खेल सुरु हुनुअघि इन्दिरा जोशी, रचना रिमाल, महेश काफ्ले र ब्योमा अधिकारीको सांगीतिक प्रस्तुति हुनेछ।

टुँडिखेलमा खाजा र खानाका स्टलहरू पनि रहनेछन्। खेल साँझ ९:१५ बजे सुरु हुने भएकाले अपरान्हदेखि नै गेट खुला हुनेछ। यहाँ खेल हेर्न शुल्क लाग्ने छैन।

महानगरपालिकाले कन्सर्टका लागि आवश्यक स्टेज, लाइट र स्टलको व्यवस्थापन गरिसकेको छ। त्यस्तै, तीनकुने र हाँडीगाउँमा पनि निशुल्क रूपमा खेल देखाइने छ।

काठमाडौं महानगरपालिकाले मंगलबार हुने खेल र त्यसको प्रत्यक्ष प्रसारणबारे स्थानीय प्रशासन, प्रहरीलाई जानकारी गराइसकेको छ भने प्रत्यक्ष प्रसारण हुने स्थानमा महानगरको नगर प्रहरी बलले थप सुरक्षा दिने जनाएको छ।

मुख्य जानकारी:

यस आयोजनाले काठमांडूका बासिन्दाहरूलाई सामुदायिक रूपमा खेल हेर्ने अवसर प्रदान गरेर नेपाल क्रिकेट टिमलाई समर्थन गर्ने उद्देश्य राखेको छ।