काठमाडौं– गायक कमल के.क्षेत्रीको नयाँ गीत ‘पिरिम लाम लाम…’ दर्शक तथा स्रोताले रुचाएका छन् । यो नृत्यपरक यूगल गीतमा गायक क्षेत्रीलाई गायिका ईन्दिरा रजक तिवारीले गायनमा साथ दिएकी छिन् ।
विकास पाण्डेको शब्द तथा संगीत निर्देशनमा तयार भएको यो गीतको म्युजिक भिडियो केही दिनअघि गायक क्षेत्रीकै यूट्युब च्यानलबाट सार्वजनिक भएको थियो, जसले छोटो समयमै लोकप्रियता हासिल गरेको हो ।
म्युजिक भिडियोमा मोडलद्वय पारस विक्रम शाह तथा इशा अधिकारीले आकर्षक अभिनय तथा नृत्य गरेका छन् । सुरज तामाङको कोरियोग्राफीमा पारस र इशाले गरेको नृत्यका स्टेपहरु दर्शकले मन पराएका छन् । भिडियोमा यी दुबै कलाकारको जोडी सुहाएको देखिएको छ ।
नितिन कुमार चन्द यो गीतको भिडियोका छायांकार तथा निर्देशक हुन् ।
