जसपा नेपालको अध्यक्षबाहेकका पदमा आज चुनाव हुँदैछ। २१ जना पदाधिकारीसहित २०१ सदस्यीय केन्द्रीय समिति चयन हुनेछ। केन्द्रीय समिति, केन्द्रीय कार्यकारिणी सदस्य, केन्द्रीय निकायहरुको आज दिउँसो १२ बजेदेखि ३ बजेसम्म मतदान हुने केन्द्रीय निर्वाचन समितिले जनाएको छ।

सहअध्यक्ष पदका लागि राजकिशोर यादव, लालबाबु राउत र रकम चेम्जोङले उम्मेदवारी दर्ता गराएका छन्। चारजना पुरुष उपाध्यक्षका लागि १७ जनाले मनोनयन दर्ता गराएका छन्। महिला उपाध्यक्ष पदका लागि ६ जनाले उम्मेदवारी दिएका छन्। २ जना महासचिवका लागि ६ जनाले मनोनयन दर्ता गराएका छन्। एक महिला र २ पुरुष उपमहासचिव पदका लागि १२ जनाले उम्मेदवारी दर्ता गराएका छन्।

अध्यक्षमा भने उपेन्द्र यादव निर्विरोध निर्वाचित भइसकेका छन्। हिजो उम्मेदवारीका लागि तोकिएको समयमा अध्यक्ष पदमा यादवको मात्र उम्मेदवारी परेकोले उहाँ निर्विरोध अध्यक्ष चुनिएका हुन्।