नेपाली कांग्रेसका महामन्त्री गगनकुमार थापाले पार्टी विसं २०८४ सम्म प्रतिपक्षमा बस्ने बताएका छन्। काठमाडौं महानगरपालिका–३ को अन्तरक्रिया कार्यक्रममा बोल्दै थापाले अबको तीन वर्ष पार्टी पुनःनिर्माण र सशक्तिकरणको समय भएको बताए।

उनले भने, “कांग्रेसको सरकार बनाउने र गिराउने चाहाना छैन, कांग्रेस जनताका विषयलाई लिएर अगाडि बढ्छ।” साथै, थापाले राष्ट्रिय अर्थतन्त्रलाई सुधार्न कांग्रेसले पहलकदमी लिने र जनतासँग संवाद बढाउने बताए। अन्य नेताहरूले पनि संगठन सुदृढिकरणको आवश्यकता औंल्याए।