भारतका केन्द्रीय मन्त्री हरदीप सिंह पुरीले भारतले ऊर्जाको अन्वेषण र उत्पादनमा २०३० सम्म कम्तीमा १०० अर्ब लगानी गर्ने बताएका छन्। दिल्लीको भारत मण्डपममा आयोजित ‘ऊर्जा वार्ता २०२४’ कार्यक्रममा सम्बोधन गर्दै उनले भारतमा अन्वेषण र उत्पादन कसरी बढाउने भन्ने बारेमा सरकार चिन्तित रहेको उल्लेख गरे।

मन्त्री पुरीले भारतमा अन्वेषणमा केही प्रगति भए पनि भारतका २६ वटा ऊर्जा बेसिनहरू अझै पनि खोजी हुन बाँकी रहेको जानकारी दिए। उनले यदि भारतले आफ्नो तेल आपूर्तिकर्ता परिवर्तन नगरेको भए तेलको मूल्य धेरै उच्च हुने बताएका छन्।

वैज्ञानिक प्रविधिको प्रयोगमा जोड

मन्त्री पुरीले वैज्ञानिक प्रविधिको प्रयोगमा सरकारले वैज्ञानिक डाटा-संचालित अन्वेषणलाई बढावा दिन धेरै खर्च गरिरहेको र नयाँ डाटाको अधिग्रहणमा ७६०० करोड रुपैयाँ लगानी भइरहेको बताए।

सरकारको योजना अनुसार सन् २०३० सम्ममा भारतको अन्वेषण औसत १० लाख वर्ग किलोमिटरमा पुर्‍याउने लक्ष्य रहेको पनि मन्त्री पुरीले बताए।

भारतले ऊर्जाको अन्वेषण र उत्पादनमा व्यापक लगानी गर्दै छ, जसले आगामी वर्षहरूमा ऊर्जाको आपूर्ति र मूल्य स्थिरतामा महत्वपूर्ण योगदान पुर्याउने अपेक्षा गरिएको छ।